SHBA: Refuzohet apeli i komplotuesit të Bushit

Gjykata e Apelit në SHBA ka mbështetur dënimin e një shtetasi amerikan, i cili u akuzua se ka komplotuar me Al Kaedën për të vrarë presidentin George W. Bush.

Gjykata e Apelit në Virginia gjithashtu e refuzoi ankesën se dënimi me 30 vjet burg i Ahmed Omar Abu Ali, ka qenë i paarsyeshëm.

Gjykata i hodhi poshtë edhe pretendimet e 27-vjeçarit Abu Ali, i lindur në Shtetet e Bashkuara, se pranimi i fajit ishte bërë pas torturave të policisë së Arabisë Saudite në vitin 2003.

Prokurorët thanë se Abu Ali iu bashkangjit celulës së Al Kaedas në qytetin saudit Medina.