SHBA dënon dhunën e paimagjinueshme gjatë Ramazanit

Shtetet e Bashkuara e kanë dënuar valën e të shtënave dhe të sulmeve me bomba në Irak, me ç’rast u vranë së paku 100 persona dhe u plagosën afro 200 të tjerë.

Zëdhënësja e Departamentit amerikan të shtetit, Viktoria Nuland, tha se dhuna vdekjeprurëse është veçanërisht shqetësuese, pasi ndodhi në kohën kur myslimanët e mbajnë muajin e shenjtë të Ramazanit.

Zyrtarët e Irakut thanë se kanë ndodhur 21 sulme të ndryshme në 13 qytete.

Zëdhënësja Nuland tha se Washingtoni beson se forcat e sigurisë së Irakut do të jenë në gjendje të merren me kërcënimet terroriste, përkundër tërheqjes së forcave amerikane, dhjetorin e kaluar.