SHBA, në kërkim të negociatave me piratët

Pentagoni është në kërkim të gjetjes së zgjidhjeve lidhur me problemin e piratëve somalezë, ndërkohë që bëhet me dije se përjashtohet mundësia e ndërhyrjes në rrugë tokësore kundër tyre. Një prej zëdhënësve të Forcave të Armatosura amerikane tha për rrjetin CNN, se po shqyrtohen alternativa të tjera, që përjashtojnë atë të ndërhyrjes me Forca të Armatosura në terren kundër piratëve. Amerikanët po i shmangen kështu një kërkese të OKB-së, që u kërkon shteteve ndërhyrje në të gjitha rrugët e mundshme.