SHBA, pritet publikimi i planeve të sigurisë

Sekretarja amerikane për Sigurinë e Brendshme, Janet Napolitano pritet të bëjë sot publike politikat e brendshme të administratës Obama për parandalimin e sulmeve terroriste.
Planet e reja janë pjesë e përpjekjeve dhe masave të tjera që synojnë rritjen e ndjeshme të bashkëpunimit të agjencisë së drejtuar nga Napolitano me shtetin dhe qeveritë lokale në Shtetet e Bashkuara. Napolitano pritet të bëjë thirrje për një ndërgjegje më të lartë qytetare, përfshirjen e qytetarëve në parandalimin e sulmeve të mundshme terroriste edhe përpjekjeve për marrëdhënie më të ngushta me qeveritë e vendeve të tjera, veçanërisht në shkëmbimin e informacioneve të fluturimit kur bëhet fjalë për komplote të mundshme.