SHBA, protestë kundër dëbimit të studentes shqiptare
Media amerikane bën të ditur se studentja, bashkë me familjen kishte shkuar në SHBA me vizë turistike në vitin 2001. Më pas asaj i është mohuar kërkesa për azil politik dhe tashme ajo duhet të largohet nga Amerika drejt Shqipërisë
DETROIT - SHBA kërkon dëbimin e studentes shqiptare, por bashkëkombësit e saj organizojnë mbledhjen e firmave për të mos e lejuar këtë. Më shumë se 100 vetë protestuan dje në kishën Shpresa e Komunitetit në Detroit të SHBA-së, kundër dëbimit në Shqipëri të 19-vjeçares nga Shqipëria, Herta Llusho. Media amerikane bën të ditur se studentja, bashkë me familjen kishte shkuar në SHBA me vizë turistike në vitin 2001. Më pas asaj i është mohuar kërkesa për azil politik dhe tashme Llusho me nënën e saj duhet të largohen nga Amerika drejt Shqipërisë. Afati për largimin e saj është dita e sotme. Por, bashkëkombësit e saj i kanë dërguar një peticion Departamentit të Sigurisë së Brendshme dhe Sekretares Xhenet Napolitano, për të kërkuar qëndrimin e saj për të përfunduar studimet. Peticioni është firmosur nga rreth 2370 vetë, ndërsa duhen edhe 3500 firma të tjera për të mos lejuar dëbimin e vajzës drejt Shqipërisë. Vetë vajza, në një video në Youtube tregon pse duhet të qëndrojë në SHBA. Ajo thotë se e ndjen veten më shumë amerikane dhe madje më shumë i mendon fjalët në anglisht se në shqip. Ajo thekson se beson në vlerat e një vendi si SHBA dhe shpreson që ëndrra e saj për të përfunduar studimet dhe për të qëndruar në SHBA të bëhet realitet. Në mbështetje të studentes janë jo vetëm komuniteti shqiptar në Detroit, por edhe studentët. Avokatët e kësaj çështjeje argumentojnë se vajza nuk duhet të largohet për shkak të potencialit të saj intelektual. Studentët e talentuar meritojnë të qëndrojnë dhe të përfundojnë studimet e tyre, argumentojnë juristët.
(d.b/BalkanWeb)
DETROIT - SHBA kërkon dëbimin e studentes shqiptare, por bashkëkombësit e saj organizojnë mbledhjen e firmave për të mos e lejuar këtë. Më shumë se 100 vetë protestuan dje në kishën Shpresa e Komunitetit në Detroit të SHBA-së, kundër dëbimit në Shqipëri të 19-vjeçares nga Shqipëria, Herta Llusho. Media amerikane bën të ditur se studentja, bashkë me familjen kishte shkuar në SHBA me vizë turistike në vitin 2001. Më pas asaj i është mohuar kërkesa për azil politik dhe tashme Llusho me nënën e saj duhet të largohen nga Amerika drejt Shqipërisë. Afati për largimin e saj është dita e sotme. Por, bashkëkombësit e saj i kanë dërguar një peticion Departamentit të Sigurisë së Brendshme dhe Sekretares Xhenet Napolitano, për të kërkuar qëndrimin e saj për të përfunduar studimet. Peticioni është firmosur nga rreth 2370 vetë, ndërsa duhen edhe 3500 firma të tjera për të mos lejuar dëbimin e vajzës drejt Shqipërisë. Vetë vajza, në një video në Youtube tregon pse duhet të qëndrojë në SHBA. Ajo thotë se e ndjen veten më shumë amerikane dhe madje më shumë i mendon fjalët në anglisht se në shqip. Ajo thekson se beson në vlerat e një vendi si SHBA dhe shpreson që ëndrra e saj për të përfunduar studimet dhe për të qëndruar në SHBA të bëhet realitet. Në mbështetje të studentes janë jo vetëm komuniteti shqiptar në Detroit, por edhe studentët. Avokatët e kësaj çështjeje argumentojnë se vajza nuk duhet të largohet për shkak të potencialit të saj intelektual. Studentët e talentuar meritojnë të qëndrojnë dhe të përfundojnë studimet e tyre, argumentojnë juristët.
(d.b/BalkanWeb)