SHBA, rritet në 116 numri i viktimave nga tornado

Zyrtarët në shtetin qendror amerikan të Mizurit kanë deklaruar se të paktën 116 persona kanë gjetur vdekjen dhe qindra janë plagosur nga një tornado që goditi qytetin e Xhoplinit.

Stuhia që thuhet se ishte shumë e fortë, goditi lagje të tëra duke dëmtuar një spital dhe shkatërruar mijëra shtëpi dhe biznese.

Në muajin e kaluar SHBA-ja është goditur nga një seri tjetër e tornadove, nga të cilat mbetën të vdekur 300 persona.