SHBA, sanksione të reja kundër Iranit

Shtetet e Bashkuara kanë shpallur sanksione kundër tre grupeve iraniane dhe një personi, për shkak të abuzimit me të drejtat e njeriut në Iran që nga zgjedhjet e kontestueshme presidenciale të 2009-ës.

Departamenti i Thesarit tha se sanksionet godasin Gardën Revolucionare të Iranit, milicinë Basij, forcat policore të Iranit dhe komandantin e tyre, Ismail Ahmadi Moghadam.

Masat ngrijnë asetet e tyre nën juridiksionin e Shteteve të Bashkuara.