SONDAZHI I GALLUP/ Vetëm 20 përqind e shqiptarëve janë të kënaqur me mirëqenien e tyre

Gallup ka publikuar sondazhin e fundit për mirëqenien në botë. Sondazhi nxjerr në pah se në cilin vend të botës janë njerëzit më të lumtur. Në krye të listës është Danimarka. Në këtë vend 72 përqind e njerëzve janë të lumtur me mirëqenien e tyre, 27 përqind thonë se luftojnë për këtë gjë, vetëm 1 përqind thonë se vuajnë. Listën e mbyll Çadi ku vetëm 1 përqind thonë se janë të lumtur me mirëqenien e tyre.

Shqipëria e Kosova renditen tek grupi i vendeve të pakënaqura. 20 përqind e shqiptarëve shprehen të kënaqur, 63 përqind thonë se luftojnë e përpiqen të mbijetojnë, 12 përqind thonë se vuajnë. Shqipëria renditet njësoj si Indonezia, Xhibuti e Filipinet. Kurse në Kosovë, 20 përqind thonë se janë të lumtur me mirëqenien e tyre, 66 përqind thonë se përpiqen të mbijetojnë, 14 përqind vuajnë.

Ky megjithatë është një sondazh shumë subjektiv, pasi shumë vende evropiane të zhvilluara, nuk janë dhe aq të lumtur me mirëqenien e tyre.