Sa kushtoi Ramazani?
Nga Express më 31 gusht 2011 në ora 16:30
Të gjithë besimtarët e fesë islame festuan Fitër Bajramin, mbyllën Muajin e Ramazanit, muajin e sakrificës dhe të vetëflijimit.
Por sa u kushtoi ekonomive të vendeve islame ky muaj?
Sipas një studimi të Productive Muslims dhe Dinar Standards, Muaji i Ramazanit u kushtoi vendeve të Gjirit Persik rreth 5.8 miliard dollarë humbje, nga të cilat 2.4 miliard i ka humbur vetëm Arabia Saudite. Shkak për humbjet në ekonomi janë ritmet e ngadalta dhe puna me orar të shkurtuar.
Edhe në Indonezi (vendi që mban numrin më të madh të myslimanëve në botë), Malajzi dhe Emiratet e Bashkuara Arabe, sipas Productive Muslim dhe Dinar Standards, ekonomia ka pësuar humbje dhe ka qenë tejet e përgjumur.