“Sagem” triumfon, do prodhoje pasaportat dhe kartat

Nuk ndryshon asgje ne emrin e firmes fituese per tenderin e pasaportave biometrike dhe kartave te identitetit. Francezet e “Sagem” fitojne zyrtarisht te drejten per te prodhuar keto dy dokumente themelore per shqiptaret brenda zgjedhjeve te pergjithshme te vitit te ardhshem. Nje muaj pas deklarimit te pikeve per fituesin e tenderit per prodhimin e kartave elektronike te identitetit, duket se burokracite zyrtare per prodhimin e ketyre te fundit do te marrin fund. Gjate dites se djeshme, ne nje konference per shtyp, kreu i Ministrise se Brendshme, Bujar Nishani, ka deklaruar se, “qe nga momenti i nenshkrimit te kontrates, per maksimumi 6 muaj eshte parashikuar ngritja e gjithe sistemit per aplikimin, personalizimin dhe prodhimin e leternjoftimeve elektronike dhe pasaportave biometrike”. Nje pasaporte do te kushtoje ne vleren e tenderimit 5000 leke te reja, kurse nje leternjoftim, 1167 leke te reja, qe ka qene edhe oferta me cmimin me te ulet nga tete kompanite pjesemarrese, kater nga te cilat u skualifikuan. “Pas perfundimit te vleresimit, disa prej kompanive paraqiten ankesat e tyre prane autoritetit perkates, Agjencise se Prokurimeve Publike. Agjencia zhvilloi hetimin e saj administrativ dhe ne perfundim te verifikimit te te gjithe procedurave, vendosi se procesi ka qene i ligjshem”, tha Nishani. Sipas tij, mbetet ne fuqi vendimi i Komisionit te Vleresimit te Ofertave, ku fituese eshte oferta e dhene nga SAGEM Securite dhe Fondi Shqiptaro-Amerikan i Ndermarrjeve, renditur e para per implementimin e ketij projekti. Mesohet se brenda zhvillimit te zgjedhjeve te ardhshme pritet te prodhohen 3,5 milione karta identiteti per shqiptaret, qe do te dalin te parat nga makinerite e “Sagem”.

A.Cena

Cmimi e ofruar nga fituesit

"Sagem Securite"

Leternjoftimi 1167 leke

Pasaporta 5000 leke

Kompanite e tjera

"Zetes Industries"

Leternjoftimi 2950 leke,

Pasaporta 6800 leke

"Indra Sistemas"

Leternjoftimi 3216 leke,

Pasaporta 9535.7 leke

"Bundes Druckerei"

Leternjoftimi 1869.8 leke

Pasaporta 11343.2 leke