Sahin, optimist për sezonin e ri
Mesfushori i Real Madridit, Nuri Sahin dëshiron të tregojë vlerat e tij me kampionin e La Ligas.
Reprezentuesi turk, i cili u transferua në Madrid gjatë verës së vitit të kaluar nga Borussia Dortmund, bëri vetëm 10 paraqitje zyrtare në edicionin e fundit. Por, ai dëshiron të dëshmohet në sezonin e ardhshëm.
“Fatkeqësisht ky nuk ka qenë një vit i mirë për mua për shkak të shumë lëndimeve që kam pësuar. Por, jam i bindur se sezoni i ardhshëm do të jetë sezoni im. Ndihem mirë dhe nuk kam më probleme”, deklaroi Sahin për Sky Sport Italia.