Saleh refuzon të jep dorëheqje

Presidenti i Jemenit, Ali Abduallah Saleh, sërish ka refuzuar që të nënshkruajë një marrëveshje për t’u larguar nga pushteti, duke zvarritur kështu krizën në shtetin e Gadishullit të Arabisë, të shkaktuar nga protestat që i bëjnë thirrje atij t’i japë fund pushtetit 33 vjeçar.

Saleh refuzoi në minutën të nënshkruajë një marrëveshje të mbështetur nga shtetet e Gjirit Arab dhe SHBA-ja, që do t’i jepte atij imunitet nga përndjekja, nëse do të jepte dorëheqje brenda 30 ditësh.

Televizioni shtetëror i Jemenit tha se ai do të nënshkruajë vetëm në praninë e liderëve të opozitës, të cilët e kishin nënshkruar marrëveshjen të shtunën.

Është hera e tretë që Saleh është tërhequr nga nënshkrimi i marrëveshjes, që ka për qëllimin përfundimin e trazirave në Jemen, në të cilat raportohet të jenë vrarë më shumë se 170 protestues nga forcat e sigurisë së Salehit.