Sali Berisha “non grata” edhe nga BE? Balla: Mos u çudisni

Kryetari i grupit parlamentar të Partisë Socialiste Taulant Balla ka paralajmëruar shpalljen “non grata” të Kryetarit të Partisë Demokratike zgjedhur nga procesi i Rithemelimit, Sali Berisha edhe nga Bashkimi Evropian. Balla deklaron se është “turp” që Berisha vijon të “përdhosë” Kuvendin.

Kujtojmë se pas SHBA, Britania e Madhe shpalli “non grata” në muajin korrik Sali Berishën, si të përfshirë në korrupsion dhe me lidhje të qarta me grupet kriminale duke rrezikuar sigurinë e Shqipërisë.

“Për tradhëtira, për babëzira ajo që ja kam thënë shpesh është në turpin e këtij Kuvendi që një “non grata” nga SHBA dhe Britania e Madhe dhe mos u habisni dhe nga BE vazhdon të livadhisë i qetë, ndërkohë që nga gjithë ai përbetim gjatë verës se opozita do bëjë namin, mesa duket vetëm dasma është lajm i kësaj dite”, tha Balla.

/rtsh.al/