Salihi shpërthen në Austri

Hamdi Salihi u shndërrua në heroin e nënkampionit të Austrisë, SV Ried, teksa bomberi shkodran realizoi dy gola brenda katër minutash në fitoren 3-0 të ekipit të tij kundër Austria Karnten. Dreksel çeli serinë e golave në minutën e tetë. Sulmuesi i Kombëtares Shqiptare realizoi në minutat 52 dhe 56. Golin e parë e realizoi pas një krosimi të Akagundyz, ndërsa në të dytin asistin e dha Toth. SV Ried e kontrolloi të gjithë takimin.

25 Shkurt 2008