Sampdoria do ta mbajë Storarin

Sampdoria do të fillojë bisedimet me Milanin gjatë javës së ardhshme, në përpjekje për transferimin e plotë të Marco Storarit, kanë bërë të ditur mediet italiane të premten.

Portieri iu bashkua Sampdorias në formë huazimi në janar si zëvendësim për Luca Castellazzin e lënduar.

Storari ka shkëlqyer me paraqitjet e tij të deritashme dhe kjo duket se ka shtyrë drejtuesit e Sampdorias të fillojnë përpjekjet për blerjen e tij. Takimi i parë mes palëve besohet se është caktuar për javën e ardhshme.