Scolari mposht Mourinhon si trajneri më i paguar

Menaxheri i Interit, Jose Mourinho, nuk është më trajneri më i paguar në botë, dhe këtë 'titull' tashmë e mban ish-menaxheri i Chelseat dhe kombëtares së Brazilit, Luis Felipe Scolari. Braziliani ka nënshkruar një kontratë 18-muajore me ekipin nga Uzbekistani, Bunyodkor, ku do të fitojë plot 13 milionë euro për shërbimet e tij, duke e lënë prapa Mourinhon me 11 milionë për sezon. Fituesi i Kupës Botërore në vitin 2002, thotë se ai është këtu për të fituar dhe dëshiron të përmirësojë lojën e futbollit në Uzbekistan. "Jam këtu pasi besoj se mund të kontribuoi në ngritjen e lojës uzbeke", raportohet të ketë thënë Scolari.