Seanca, sot debati per ndryshimin e rregullores se Kuvendit

Deputetet do te perplasen serish sot ne Kuvend per ndryshimet ne rregullore per menyren e shqyrtimit te dekreteve te Presidentit per anetare te institucioneve kushtetuese. Maxhoranca do te tentoje qe te votoje ne seancen e pasdites, propozimin e nenkryetarit te Kuvendit, Fatos Beja per ndryshimin e rregullores se ketij institucioni. Ndersa opozita mban te njejtin qendrim. Nuk pranon qe rregullorja e Kuvendit te ndryshohet pa u zhvilluar me pare konsultime te gjera e diskutime. Te majtet kerkojne qe rregullorja ne baze te ciles funksionon Kuvendi, duhet te ndryshohet sipas nje procedure normale, aspak te pershpejtuar. Sherri do te spostohet keshtu ne seancen e pasdites, ku opozita nuk do te pranoje votim per te ndryshuar rregulloren. E nese maxhoranca nuk do te toleroje, atehere do ti duhet te mbledhe votat per ta kaluar e vetme nismen ligjore. Nje jave me pare, Fatos Beja dorezoi propozimin se si duhet te ndryshohet rregullorja e Kuvendit per menyren e shqyrtimit te dekreteve te presidentit. Sipas Bejes, Komisioni i ligjeve duhet te kete kompetencen qe te shqyrtoje e zhvilloje seanca degjimore me kandidaturat qe presidenti sjell per anetare te gjykates se larte apo asaj kushtetuese. E me pas te votoje per to ne seance plenare. Propozime per kete ceshtje ka dorezuar dhe PS, te cilat do te jene pjese e debateve te sotme.