Seancat plenare drejtpërdrejt në internet

Nga dita e djeshme Kuvendi ka një faqe të re, ku për herë të parë do të mundësohet që seancat parlamentare të ndiqen direkt përmes saj.

Gjithashtu, në këtë faqe janë shtuar dhe rifreskuar informacionet që lidhen me axhendën e Kuvendit, rendin e ditës së seancave etj.

Përmirësimi i infrastrukturës së teknologjisë së informacionit në Kuvend realizohet në sajë të projektit të përbashkët të administratës së këtij institucioni me OSBE-në, "Për mbështetjen e Parlamentit Shqiptar".