“Secili vend i BE te vendose vete”

Cdo vend i Bashkimit Evropian "do te vendose sipas praktikave kombetare dhe rregullave juridike" per ta njohur ose jo pavaresine e Kosoves, rane dakord dje ministrat evropiane te Puneve te Jashtme ne nje deklarate te perbashket. Kjo deklarate i hap rrugen njoftimit nga shume vende, nder te cilat kater "peshat e renda" te Evropes, qe jane Franca, Gjermania, Britania e Madhe dhe Italia te qellimit te tyre per njohjen e pavaresise se ketij shteti te ri. Deklaratat e tyre do te behen pothuaj njekohesisht me njohjen nga Shtetet e Bashkuara, qe pritet shume shpejt, pas deklarates se Presidentit Bush se kosovaret jane "tashme te pavarur". Duke nenvizuar zgjedhjen qe i takon cdo shteti anetar per ta njohur ose jo, BE-ja u lejon gjithashtu gjashte vendeve qe njihen tashme se kane rezerva ndaj kesaj pavaresie si Qiproja, Greqia, Bullgaria, Rumania, Malta dhe Sllovakia te mos e miratojne. "Shumica derrmuese e vendeve anetare" te Bashkimit Evropian do ta njohin "ne nje forme ose tjeter" pavaresine e Kosoves "brenda nje muaji, ne shkurt, ose mars", deklaroi dje ministri suedez i Puneve te Jashtme, Carl Bildt. Nderkohe qe ministri slloven i Puneve te Jashtme, Dimitrij Rupel, vendi i te cilit kryeson BE-ne, tha se pret qe "shume shtete anetare te BE-se te njohin pavaresine e Kosoves", qe u shpall dje ne parlamentin e Kosoves.