Sejdiu sulmon sërish planin e Moon

Prishtinë- Presidenti i Kosovës Fatmir Sejdiu ka reaguar sërish ndaj planit të OKB-së lidhur me çështjen e EULEX. Sipas tij, në planin me 6 pika të paraqitur nga Sekretari i Përgjithshëm i OKB-së, Ban Ki Moon, Kosova është anashkaluar tërësisht. Sejdiu theksoi se misioni i EULEX duhet të jetë garantimi i integritetit territorial të Kosovës. Ai shtoi gjithashtu se shumë shpejt do të ketë edhe shumë njohje të reja të pavarësisë.