Sekuestrohen 350 kg hashash, dy në pranga
Foto ilustruese
GJIROKASTER- Finalizohet me sekuestrimin e 350 kg hashash faza e parë e operacionit SOS, në rrugën rurale Gjirokastër-Golem.
Policia e Gjirokastrës ka sekuestruar një mjet tip xhip me targa të dubluara SR 2690B të mbushur me lëndën narkotike.
Pas sekuestrimit janë arrestuar në flagrancë drejtuesi i mjetit Vezir Thanasi nga fshati Rexhinë i Tepelenës dhe Lorenc Sadikaj nga Vlora. Sipas të dhënave të para mësohet se hashashi i marrë nga Lazarati kishte për destinacion Vlorën e mandej Italinë.
Vijon operacioni dhe në ndihmë kanë shkuar forca të tjera policore të Policisë së Gjirokastrës dhe Tepelenës si dhe forcat speciale. Piro NASE