Sekuestrohet predha e nxjerre nga mjeket turq goditi Aleks Niken
TIRANE - Vdekja e Aleks Nikes 35-vjecarit nga Lezha qe ishte plagosur ne demonstraten e 21 janarit ne Tirane perfshihet ne hetimin e Prokurorise per vrasjet e ndodhura prane Kryeministrise. Prokuroria e Tiranes e cila eshte vene ne dijeni te vdekjes se Aleks Nikes diten e diel ne Turqi ka nisur procedim penal ne lidhje me ngjarjen. Sipas burimeve nga organi i akuzes diten e djeshme eshte administruar ne cilesine e proves materiale predha e armes e cila kishte goditur ne koke Aleks Niken. Burime te hetimit te ceshtjes thone se predha ne fjale eshte nxjerre nga trupi i viktimes pas vdekjes se tij ne Turqi. Mjeket turq sipas rregullave kane nxjerre predhen dhe e kane paketuar ate duke e nisur ne drejtim te Shqiperise. Predha i eshte dorezuar dje Prokurorise e cila ka vendosur sekuestrimin e saj ne cilesine e proves materiale. Bashke me predhen organi i akuzes sekuestroi edhe dokumentet mjekesore mbi shkakun e vdekjes se 35-vjecarit nga Lezha duke e cuar keshtu ne kater numrin e vrasjeve per te cilat ka nisur procedimi penal lidhur me ngjarjet e 21 janarit 2011. Sipas Prokurorise predha e nxjerre nga koka e Aleks Nikes prej mjekeve turq do te dergohet per ekspertim me qellim percaktimin e armes qe ka qelluar si dhe te detajeve te tjera mbi menyren si ka ndodhur ngjarja. Deri diten e djeshme ne listat e Prokurorise Aleks Nika figuronte i plagosur rende. Kjo per shkak se mbremjen e 21 janarit Prokuroria shperndau ne urgjencat e spitaleve grupin e hetimit per te evidentuar shtetasit e plagosur. Ate mbremje Aleks Nika mberriti i plagosur ne Spitalin Ushtarak dhe me pas kaloi ne gjendje kome dhe ne vdekje klinike. Hetuesit e Prokurorise e evidentuan ate si person te plagosur por me kalimin e diteve gjendja e tij u rendua derisa te dielen mjeket turq ne nje spital te Stambollit deklaruan se i plagosuri nuk kishte shanse per jete. Provat penale per vdekjen e Aleks Nikes qe nga predha deri tek raportet mjekesore per shkakun po administrohen nga Prokuroria ne dosjen e vrasjes se tre personave te tjere qe gjeten vdekjen ne demonstraten e 21 janarit. tr.so