Serbet e Kosoves, plan ndarjeje virtuale

Kosova pritet te shpalle pavaresine te dielen e ardhshme, duke ftuar Bashkimin Evropian te dergoje nje mision te ri mbikeqyres dhe NATO te jete kryesuese e forces paqeruajtese. "Pavaresia do te shpallet te dielen", i tha dje nje burim i larte politik agjencise Reuters. Ai mohoi spekulimet se pavaresia do te ishte nje proces prej dy fazash me nje deklarate mirekuptimi ne fundjave dhe shpallja aktuale e pavaresise ne muajin mars. Reuters shkruan edhe se minoriteti serb i Kosoves ka ne plan nje ndarje virtuale me propozimet per te krijuar nje "Asamble" te shtunen e ardhshme ne rajonin e Mitrovices qe dominohet nga serbet ne veri, njoftoi e perditshmja shqiptare e Kosoves "Zeri". "Zeri" tha se Asambleja ishte pjese e nje skeme serbe "per te krijuar nje entitet te ndare politik dhe territorial me lidhje te posacme me Serbine".
Serbia hapi kohet e fundit nje zyre qeveritare, me pretekstin per te mbikeqyrur sherbimet publike ne Mitrovice, duke thene se ajo do te "intensifikonte" rrjetin paralel te Beogradit per sherbime per serbet. Kombet e Bashkuara, qe administrojne Kosoven qe kur forcat serbe u debuan pas sulmeve te NATO-s ne vitin 1999, e quajten kete nje "akt provokues". Analistet thone se Serbia, nese nuk e mban Kosoven, kerkon ta ndaje territorin, duke mbajtur kontrollin e veriut, ku ajo ka siguruar sherbime mjekesore, arsimore dhe administrative per serbet. Veprimi per pavaresi te Kosoves u shty tre here vitin e kaluar per shkak te insistimit rus, aleat i Serbise, per vazhdimin e bisedimeve rreth nje kompromisi dhe te impaktit shperthyes ndaj politikes serbe.