Serbët e veriut të Kosovës: Referendum në muajin Shkurt

PRISHTINE-Në Kosovë, përfaqësuesit e serbëve lokal në veriun e vendit, thanë se në muajin shkurt do të mbajnë një referendum me të cilin qytetarët serbë në atë zonë do të deklarohen nëse duan apo jo të pranojnë institucionet e Kosovës.

Kjo nismë e cila hidhet poshtë nga autoritetet e Prishtinës, është kundërshtuar edhe nga pushteti në Beograd, i cili e cilëson atë si pengesë në rrugën evropiane të Serbisë.

Serbia muajin e kaluar dështoi të marrë statusin e vendit kandidat për anëtarësim në Bashkimin Evropian për shkak të zhvillimeve në veriun e Kosovës.

(d.b/VOA/BalkanWeb)