Serbia dhe EULEX së shpejti marrëveshje për kufirin

Njoftohet se një projekt marrëveshje ishte arritur gjatë vizitës së shefit të politikës së jashtme dhe sigurisë së BE-së, Javier Solana, këtë javë në Beograd.

Zyrtarët e lartë serbë thanë se kontrolli i efektshëm i kufirit të Kosovës është themelor për përpjekjet për të luftuar krimin e organizuar dhe kontrabandën e armëve dhe si i tillë, nuk duhet të jetë nën ndikimin e politikës.

Komisioni Evropian thotë se Këshilli i BE ka të ngjarë të heqë kërkesat për serbët për vizat e BE këtë vjeshtë, por vetëm nëse ata zbatojnë reformat sipas udhëzuesit të liberalizimit të vizave që parashikon mbikëqyrje të besueshme të kufirit me Kosovën. (qik/start)