Serbia kërkon ekstradimin e vrasësit të Gjingjiçit

Sretko Kaliniç u arrestua dje në një lagje të Zagrebit pasi ishte plagosur gjatë një shkëmbim-zjarri.

Zyrtarët janë të mendimit se Kaliniç, i dënuar në mungesë me 30 vjet burg, është plagosur nga një anëtar tjetër i grupit, i cili po ashtu është dënuar për vrasjen e Gjingjiçit në vitin 2003.

Kaliniç ishte anëtar i të ashtuquajturit Klan i Zemunit, i cili kishte në përbërje të tij shumë figura të njohura kriminale dhe policë.