Sesioni i ri parlamentar, me 18 janar fillon puna

Sesioni i ri parlamentar, do te celet ne 18 janar te vitit te ardhshem. Ashtu sic e percakton edhe Kushtetuta e vendit, Kuvendi do te nise punimet te henen e trete te muajit janar, pra me daten 18 janar. Ne kete sesion, kreret e mazhorances i kane bere thirrje te vazhdueshme deputeteve te Partise Socialiste qe te marrin pjese ne te. Ishte kryeministri Sali Berisha, ai i cili u beri thirrje ne seancen e fundit plenare, te gjithe deputeteve socialiste qe te rikthehen ne vendet e tyre ne Kuvend, ne sesionin e ardhshem. Thirrja u pasua menjehere nga kryetarja e Kuvendit, Jozefina Topalli, e cila ne bilancin e punes se Kuvendit, u kerkoi socialisteve te rikthehen ne kete institucion. Ne kete kuader Topalli u beri edhe premtimin se mazhoranca, eshte e gatshme te pranoje propozimet e opozites per projektligje, diskutimet mbi cdo kerkese qe do te behet prej tyre, por brenda kornizave kushtetuese. Perballe ketyre thirrjeve nga kampi i djathte, opozita duket se nuk do te lekundet. Perkundrazi, kryetari i selise roze Edi Rama, ka premtuar jo vetem vijueshmerine e bojkotit te socialisteve, nese kutite e votimit nuk do te hapen, por edhe shtrirjen e protestave. Mirepo ne kete situate, ku dialogu duket shume larg mes paleve, ka edhe nga ata socialiste te cilet deklarojne hapur, se pavaresisht vendimit te grupit te PS-se, ne janar do te hyjne ne Kuvend. Nder ta ishte Marko Bello, perfaqesues i Levizjes se Mendimit Ndryshe (LMN) brenda PS-se, i cili pak dite me pare siguroi se ne janar, me celjen e sesionit te ardhshem, do te hyje ne Kuvend.