Shalsi: Berisha të heqë dorë nga uzurpimi i SHISH

“Ky njeri ka dhënë prova të qarta dhe të mjaftueshme se nuk niset nga nevojat e interesit të përbashkët dhe publik, dhe ndaj nuk e ka parë dhe nuk e sheh Shërbimin Informativ si një institucion të pavarur në shërbim të interesave vitale kombëtare”, tha deputeti Eduart Shalsi sot për mediat.

Sipas tij, Partia Socialiste është e vendosur të mbrojë me çdo mjet demokratik institucionet e pavarura ndaj “dhe e paralajmërojmë Sali Berishën të heq dorë nga skenari satanik i uzurpimit të Shërbimit Informativ Shtetëror dhe i rikërkojmë vendosmërisht që ketë ligj të rëndësishëm ta bëj pjesë të një diskutimi të hapur dhe transparent me opozitën, shoqërinë civile dhe partnerët tanë ndërkombëtarë”.