Shamku: Qeveria la 150 femije ne Malesi te Madhe, pa shkolle

Selia roze, fajesoi dje kreun e qeverise, Sali Berisha se mashtroi se do te shtroje 6 mije kilometra rruge ne Grude te Malesise se Madhe. Sipas deputetes se PS-se, Ledi Shamku, dy dite me pare, ne kete zone protestuan 50 familje, 200 banore per talljen e radhes se Kryetares se Kuvendit, Jozefina Topalli dhe Kryeministrit Sali Berisha per fondet e rrugeve rurale. "Dy rruge qe lidhin Gruden e skajshme me qendrat e banuara nuk jane shtruar. Fondet edhe pse jane celur, nuk kane mberritur kurre ne destinacion. Mashtrimi i radhes i qeverise per keta shqiptare. Ndaj ne i bejme apel Jozefines dhe shefit te saj Saliut, te mos tallen me me banoret e Grudes, por te shtrojne rruget ose te largohen", tha Shamku. Sipas saj, ajo cka irritoi keta shqiptare qe rrojne ne varferi te skajshme, eshte fakti se mungesa e ketyre rrugeve le mirefilli pa shkolle mbi 150 femije te ketij fshati. "Nga sot keta 150 femije rrezikojne te mbeten analfabete, cka do te thote te varfer, te margjinalizuar dhe te pashprese. Sali Berisha shqiptaret ty te kerkojne te shkojne ne shkolle, ata nuk jane femijet qe kane babain kryeminister. Nje shkolle per ta sot eshte e pamundur", akuzoi ajo.