Shefer-Berishes: Ende pune per ne NATO

Fatjona Mejdini
Kryeministrit Berisha dhe delegacionit shqiptar ne Bruksel, iu kerkua nga perfaqesuesit e NATO vazhdimi i reformave dhe bashkepunimi politik. Dje, ne seline e NATO-s, Berisha dhe delegacioni shqiptar zhvilluan takime me Sekretarin e Pergjithshem te NATO-s, Jaap de Hoop Shefer dhe perfaqesuesen e perhershme te SHBA-se ne NATO, Viktoria Nuland. Pervec vleresimeve per ecurine e reformave ne Shqiperi, funksionaret e larte te Brukselit kerkuan dhe nje pershpejtim te hapave per reformen zgjedhore dhe reformen ne drejtesi. Sekretari i Pergjithshem i NATO-s theksoi se deri ne prill, Shqiperia duhet te beje hapa konkrete per te merituar ftesen per anetaresimin ne NATO. Ne kete kuader, Shefer theksoi se eshte shume i rendesishem bashkepunimi mes mazhorances dhe opozites per kryerjen e reformave. "Keto muaj jane shume te rendesishem per Shqiperine, e cila ka bere hapa te medha ne drejtim te zbatimit te reformave me qellim integrimin ne NATO. Kultura e bashkepunimit mes forcave eshte e domosdoshme, per cdo demokraci, por vecanerisht per ato vende qe inspirojne te hyjne ne NATO", deklaroi gjate takimit Jaap de Hoop Shefer.
Perfaqesuesi i larte i NATO-s la te kuptohej se nuk ishte marre ende vendimi per dhenien e fteses se anetaresimit Shqiperise ne samitin qe do te mbahet ne Bukuresht ne muajin prill. Duke u nisur nga kjo, Shefer theksoi se Shqiperia do te mbahej ne monitorim gjate dy muajve te ardhshem, muaj keto qe do te percaktonin edhe fatin e saj per te marre ose jo ftesen qe do ta beje pjese te NATO-s. "Nuk eshte momenti i pershtatshem qe Aleanca te shprehet ne favor te fteses, pasi Shqiperia duhet te punoje shume deri ne momentin e fundit, para fillimit te prillit, kur do te mbahet dhe samiti", ka deklaruar Shefer, duke nenvizuar se deri ne kete kohe duhet te jene realizuar te gjitha reformat, te cilat duhet te jene te pakthyeshme. Kryeministri Berisha e siguroi Shefer per vazhdimin e reformave ne vend dhe se qeveria do te bente perpjekjet maksimale per te merituar ftesen ne muajin prill.
Perfaqesuesja e perhershme te SHBA-se ne NATO, Nuland, theksoi se Shqiperia duhet te vazhdoj me konsekuence zbatimin dhe implementimin me sukses te reformave. Nuland shprehu pergezimet e saj per arritjet e Shqiperise ne progresin e reformave te ndermarra ne shume fusha me rendesi per zhvillimin e vendit, si dhe ne kuader te marrjes se fteses per anetaresim. Nga ana e tij, Kryeministri Berisha e njohu perfaqesuesen e SHBA-ve ne NATO me progresin e reformave te ndermarra ne sektorin ekonomik, ku u ndal ne menyre te vecante ne revolucionin fiskal. Kryeministri Berisha, ne kete vizite shoqerohet nga ministri i Jashtem, Lulzim Basha, ministri i Mbrojtjes, Fatmir Mediu, nenkryetari i Parlamentit, Ylli Bufi dhe kryetari i Komisionit parlamentar te Integrimit, Ilir Meta.
F.Mejdini
Berisha
"Eshte nje kenaqesi e madhe te prezantoj para jush sot, ketu, si pjese te delegacionit tone, z.Ylli Bufi nga Partia Socialiste, nenkryetar i Parlamentit shqiptar dhe ish-kryeminister, si edhe kryetarin e Levizjes Socialiste per Integrim, gjithashtu nje ish-Kryeminister, tani kryetar i Komisionit per Integrimin ne Parlament. Ata ndodhen sot ketu per te rikujtuar kontributin qe kane dhene forcat e tyre politike ne kete proces, gjate kohes se qeverisjes se tyre, per te riperseritur angazhimin e forcave politike shqiptare per anetaresimin ne NATO, si edhe per te konfirmuar se kjo politike eshte e qendrueshme dhe e pakthyeshme".
Vizita
Kryeministri Berisha dhe delegacioni qe e shoqerojne do te prezantojne ne seline e NATO-s, ne Bruksel, arritjet e Shqiperise ne ciklin e 9-te per integrimin ne kete strukture. Ky cikel perbehet nga dy elemente, i pari lidhet me hapat qe qeveria parashtron se do te ndermarre gjate kohezgjatjes se ciklit dhe pjesa tjeter eshte vleresimi dhe monitorimi i ketyre reformave ne formen e nje progres-raporti.
Konsensusi
Partite politike ne vend pothuajse njezeri jane shprehur per bashkepunim per reformat ne kuader te marrjes se fteses se Shqiperise per t'u anetaresuar ne NATO. Por, perkunder deklaratave, realisht reformat nuk po arrijne te konkretizohen. Reforma ne drejtesi dhe ajo elektorale jane reformat kyce qe nderkombetaret kane kerkuar per integrim dhe palet kane afat per t'i kryer ato vetem 2 muaj.
Samiti
Ne muajin prill ne Bukuresht, Kroacia, Maqedonia dhe Shqiperia do t'i kerkojne perfaqesuesve te vendeve te NATO-s ftesen per te arritur te behen pjese e saj. Por perfaqesuesit e kesaj strukture kane theksuar se ftesa e anetaresimit nuk mund t'ju jepet ne bllok vendeve te kartes "Adriatik 3". Sipas tyre, cdo vend do te vleresohet ne baze te progresit dhe reformave qe ka arritur per t'u bere pjese e NATO-s.