Shekspiri flet ne shume gjuhe ne Londer

Ka filluar ne Londer Festivali Global i Shakespeare-it, autorit te famshem anglez, i cili mbush 448-vjetorin e lindjes. Gjate diteve te ketij festivali, qe organizohet edhe ne kuader te Lojerave Olimpike te veres ne Londer, 34 vepra te dramaturgut anglez Eilliam Shakespeare do te luhen per here te pare ne 37 gjuhe te ndryshme te botes, perfshire edhe ne gjuhen shqipe nga Teatri Kombetar i Shqiperise. Veprat e Shakespeare-it do te luhen ne teatrin e famshem "Globe Theatre" ne brigjet e Tamizit qe eshte nje replike e teatrit origjinal te Shakespeare-it, ndaj dhe festivali eshte quajtur "Globe to Globe". Keto performanca poliglotike jane dhurata me e bukur e botes per Shakespeare-in e madh, nder anglezet me te njohur ne tere boten. Pervec shfaqjeve ne gjuhe te ndryshme te botes, ne kuader te ketij festivali do te shfaqen veprat e tij edhe ne qytete te ndryshme britanike. Festivali global i Shakespeare-it do te vazhdoje deri ne muajin nentor, nderkohe, ne daten 12 dhe 13 maj, Teatri Kombetar i Shqiperise do te luaje ne Londer shfaqjen "Henri i VI" ne teatrin "Globe" te Londres.