Shembja e pallatit, demi llogaritet ne 80 mln leke

Nje komision i perbashket i zyres se emergjencave te prefektures dhe administrates se Keshillit te Qarkut te Gjirokastres ka evidentuar dhe vleresuar me 80 milione leke demet materiale te shkaktuara gjate tragjedise se pallatit te shembur.

Familjet e prekura nga shembja e pallatit kane humbur tashme gjithcka, shtepine dhe orendite, nga sendet e imta e deri tek arkivat e familjeve me foto e dokumente pronesie.

Kovat e ekskavatorit dhe trupat e ushtrise gjate 24 oreve te fundit kane mundur te shkaterrojne 3 nga 5 katet e godines. Komisioni i vleresimit te demeve ka intervistuar nje per nje te gjithe familjaret dhe pasi ka mbajtur shenim deklarimet e tyre, ka bere nje perllogaritje te perafert te demit, qe vleresohet ne total rreth 80 milione leke.

Tabelat me perllogaritjet e humbjeve per çdo familje jane percjelle me urgjence ne Kryeministri dhe ne Drejtorine e Emergjencave Civile te Ministrise se Brendshme.

Prefekti Ksera tha se perllogaritjet nuk kane perfunduar plotesisht, pasi ne disa raste per apartamentet ka edhe pronare edhe qiraxhinj te demtuar dhe vlera e demeve ne keto raste do te do perllogaritet me nje koeficient tjeter, per te percaktuar realisht vleren e demit, veç per pronarin dhe veç per familjet e qiraxhinjve.

Nderkaq, per llogaritjen perfundimtare pritet edhe shembja e pallatit nga mjetet e ushtrise dhe pastrimi i territorit per te vleresuar demet e disa pronareve, veturat e te cileve u mbuluan ne parkim dhe garazh nga shembja e pare e pallatit.