Shembja e tunelit, Rama: Prokuroria të thërrasë Berishën

"Në Shqipëri qeveris një pushtet i vjedhur që është në këmbë me vota të vjedhura. Kemi në krye të qeverisë një halldup shurdh-memec, të cilit askush nuk mund t'i kërkojë të drejtën. Sot kuptohet me mire se kurre se Berisha nuk i vodhi votat me 28 qershor thjesht për të qëndruar në pushtet, por për të mbuluar krimet ekonomike të kryera në këto katër vite", u shpreh Rama.

Duke e cilësuar këtë si një ngjarje të jashtëzakonshme, kreu i selisë rozë tha gjatë një konference për shtyp, se "është anormale që qytetarët shqiptarë të mos infomohen se çfarë ka ndodhur dhe sesa kushton kjo për taksapaguesit shqiptarë", duke kërkuar që "qeveria të mos pengojë mediat të informojnë qytetarët për këtë shembje të tunelit më të madh të vendit".