Shënohet vija kufitare Kosovë-Maqedoni

Shkup-Çështja e kufijve midis Kosovës dhe Maqedonisë ka përfunduar mbrëmjen e shkuar, me shënimin e vijës kufitare. 70 shtylla të mëdha dhe 330 të vogla shënojnë vijën kufitare të Maqedonisë me Kosovën. Pas shënimit të pikave kufitare, do të vendosen edhe tabelat e shënuara me Republika e Maqedonisë dhe Republika e Kosovës dhe regjistrimi i kufirit që do të bëhet nga hapësira ajrore. Procesi i shënimit të vijës kufitare midis Maqedonisë dhe Kosovës kishte filluar më 30 qershor të vitit të kaluar.