Shërbimet sociale, hartë elektronike udhëzuese për qytetarët

Në fundt të muajit tetor, qytetarët të cilët do të kenë nevojë për një shërbim social, do ta kenë më të lehtë gjetjen e institucionit që e ofron. Kjo pasi Ministria e Punës ka nisur një projekt që parashikon krijimin e një harte elektronike, ku të përfshihen të gjitha të dhënat për organizatat si dhe institucionet publike që e ofrojnë një gjë të tillë.

Denada Seferi drejtoreshë e politikave në Ministrinë e Punës, deklaroi se kjo do t`i jap mundësinë individëve dhe grupeve në nevojë që t`i drejtohen ofruesit të shërbimit që i nevojitet.
 

“Do të na ndihmojë në mbulimim në të mirë të kategorive në nevojë me shërbime sociale. Do të kemi një hartë të detajuar, që mbulon territorin e vendit me institucionet publike. Nuk është vetëm një hartëzim i shërbimeve sociale publike. Synimi kryesor ishte për të parë dhe evidentuar sesa përqind e popullatës mbulohet nga këto shërbime sociale”, u shpreh ajo.
 

Krijimi i kësaj harte elektronike pritet që të ndihmojë gjithashu pushtetin vendor për hartimin e politikave dhe në referimin e rasteve të personave, të cilët kanë nevojë për shërbime sociale, arsimore, shëndetsore apo këshillimi.