Sherr ne lokal, plagosen me arme 2 vellezer

Durres- Sherri ne lokal mes tre personave perfundon me plagosjen e dy vellezerve dhe arratisjen e autorit te dyshuar, Ymer Shala, qe u kap mbreme vone. Ngjarja ka ndodhur rreth ores 21:15 ne Shen Vlash te Durresit, ne ambientet e nje lokali. Burime policore thane se derguan ne gjendje te rende me plage plumbi ne trup per ne spitalin rajonal vellezerit K. Muka dhe F. Muka, banues te zones ku ndodhi krimi. Pas mberritjes ne vendngjarje, grupi hetimor mori deshmite e personave qe gjendeshin ne lokal dhe pronarit, duke identifikuar te dyshuarin. Sipas hetimeve paraprake rezulton se autori i shpallur ne kerkim, ka qelluar disa here me pistolete ne drejtim te vellezerve Muka, pas nje grindjeje banale qe kane pasur ne lokal gjate momenteve te pijes. Gjithsesi hetimet nuk kane perfunduar ende, kurse kapja e te dyshuarit Ymer Shala u be nje ore pas ngjarjes se ndodhur, teksa perpiqej t'i fshihej policise.