Sherr per posterin e Edi Rames, nuk pranohet heqja per disa ore

Gramsh- Nje grup militantesh te Partise Socialiste ne Gramsh, kane kundershtuar heqjen e posterit te kryetarit Edi Rama, ne sheshin ku do te zhvillohej mitingu i Partise Demokratike ne kete qytet. Megjithese ishte komunikuar heqja vetem per pak ore dhe rivendosja e tij, aktivistet kane kundershtuar ashper, duke deklaruar se do e mbronin me jete. Posteri ishte varur ne nje nga faqet e ish-hotel "Turizmit" dhe sipas organizatoreve te mitingut, nuk ishte normale qe te ishte ne sfond te podiumit ku do te ishte edhe kryeministri Sali Berisha. Ndaj eshte menduar qe posteri te hiqet dhe te vendoset serish. Por ky veprim eshte kundershtuar nga militantet e PS-se dhe kandidati per deputet, Damian Gjiknuri. Socialistet kane qendruar gjate gjithe nates ne mbrojtje te posterit qe realisht do te vihej serish ne ate vend. Ata e kane cilesuar si ulje per kryetarin e tyre kete veprim, ndaj kane kercenuar se "posteri do te hiqet, vetem nese shkelet mbi trupat e tane". Per te shmangur polemikat, organizatoret kane menduar qe rreth 5 metra para, te vendosej nje poster i PD-se, "Koha per Ndryshim". Nje vinc dhe shkallet e zjarrfikeses se qytetit jane perdorur si shtylla per vendosjen e posterit te PD-se, kurse posteri i Edi Rames, ka qendruar nga pas.

Fatos Salliu