Sherr për pronën, një në gjendje të rëndë

Mitrovicë, 8 Tetor, 11.53, NOA - Një sherr për pronën, ka sjellë një të plagosur rëndë në Mitrovicë. Siç njofton Policia e Kosovës, rreth orës 17:25 minuta, autoritetet policore në stacionin policor jugor janë informuar për një rast të një zënke që kishte ndodhur në mes dy grupeve, në rrugën “Mbretëresha Teutë”, në Mitrovicë. 

Me të marr informacionin njësitë policore të stacionit jugor kanë dalë në vendin e ngjarjes ku fillimisht kanë arritur që të vënë nën kontroll situatën dhe arrestojnë shtatë persona të cilët për shkak të lëndimeve të marra kanë kërkuar ndihmë mjekësore.

 Njëri nga personat e përfshirë në këtë zënkë, i cili për shkak të lëndimeve që kishte marr është dërguar menjëherë drejt spitalit në Prishtinë. Sipas raportit të mjekëve dëmtimet trupore janë të rënda. Motivet e kësaj rrahje masive në mes të dy grupeve besohet ti përkasin një konteksti të pa zgjidhur pronësor në mes palëve.

Efektivat e policisë kanë ushtruar kontroll në veturës e të dyshuarit M. Mustafa, në bagazhin e të cilit zyrtarët policor kanë gjetur dhe sekuestruar një pushkë automatike “M-72”, me dy karikator dhe 52 fishekë.

Prokurori i cili u informua me rastin ka urdhëruar arrestin policor për personat e përfshirë në këtë incident. Akuzat e ngritura janë “lëndim i rëndë trupor” dhe “mbajtje në pronësi, kontroll, dhe shfrytëzim të paautorizuar të armës”.

NOA