Sherri per tenderin e shkolles, hetim dy policeve dhe firmes

Presidenti i nje firme ndertimi dhe dy efektive te policise u denoncuan dje nga komisioni i vleresimit te ofertave ne komunen Frakull per kercenimet ne lidhje me tenderin e shkolles se mesme ne fshatin Kafaraj. Burime nga Prokuroria e Fierit konfirmuan lajmin per gazeten "KJ" dhe thane se policet e kallezuar jane Tafil Gashi dhe Islam Gropasi, ndersa hetim po zhvillohet edhe ndaj kreut te firmes se ndertimit "B 3", Shpetim Licaj. Ne letren e depozituar ne organin e akuzes nga komisioni thuhet se te dyshuarit kane bere presione gjate javeve te fundit me qellim qe fituese te shpallej firma e Licaj. Ngjarja ne fjale e ka zanafillen ne daten 8 maj 2008, kur tre president firmash ndertimi kryen kallezim penal ndaj komisionit te zhvillimit te tendereve te komunes Frakull, pasi nuk u lejuan prej tyre dhe policeve komunare qe te dorezonin dokumentet per te marre pjese ne tender. Pasi tre biznesmenet Shpetim Licaj i "B 93", Qemal Beqiri i firmes "Rrufeja" dhe Bert Yzeiraj, i "Spekter", kryen kallezim penal ne policine e Fierit, tashme eshte komisioni i zhvillimit te tendereve ai qe ka paditur ne prokurori dy police te grupit te gatshem, si dhe Shpetim Licaj, president i firmes se ndertimit "B 93". Lidhur me kallezimin ne fjale perfaqesuesja juridike e ketij komisioni, Anila Haxhiu, e cila ka formuluar edhe padine kunder tyre pohon se, "policet e grupit te gatshem Tafil Gashi dhe Islam Gropasi kane ushtruar presion psikik ndaj komisionit, duke thene: "Perse nuk i pranoni ne tender? Kemi urdher nga shefi madh qe t'i pranoni". Kaq ka mjaftuar qe ky konflikt per pak sa nuk eshte kthyer ne tragjedi.

Xh.Beharaj

SHKB-ja merr nen hetim policet

Sherbimi i Kontrollit te Brendshem ka nisur hetimet per kete rast, duke marre ne pyetje policet e dyshuar. Po keshtu mesohet se eshte pyetur efektivi i salles operative, ku eshte kryer telefonata nga presidenti i firmes "B 93", i cili ka pretenduar se ishte vellai i drejtorit te policise dhe se kishte pabarazi ne tender.