Sherrnaje aleatesh
Edlira PRENDI
Demokristianet dhe reformatoret e shohin ne menyra te ndryshme rruget e bashkepunimit nderpartiak per reformat ne vend. Demokristianet e ministrit te Shendetesise, Nard Ndoka, thone se duhet te thirret nje tryeze me te gjitha partite kuvendare, ndersa reformatoret e ministrit tjeter, atij te Arsimit e Shkences, Genc Pollo, mendojne se, me se pari, bashkebisedimi duhet bere mes aleateve qeveritare. Me tej, liberaldemokratet e ish-ministrit te Jashtem, Arian Starova, mendojne se duhet vec te punohet me komisionet kuvendare per reforma. Aleatet reformatore kerkojne tryeze politike me kryeministrin Sali Berisha brenda muajit janar. Sipas tyre, ky takim duhet bere perpara zgjedhjeve te ardhshme, me qellim percaktimin e objektivave te qarta per vitin ne te cilin kemi hyre. Tritan Shehu, nenkryetar i Partise Demokrate te Re reformatore, thote se viti 2008 eshte vit vendimtar, pasi eshte i fundit qe ndan vendin nga zgjedhjet e pergjithshme. Shehu tha se "do te ishte me racionale nese partite politike ne koalicionin qeverises te studionin se bashku idete kryesore te punes qe duhet te kryeje ekzekutivi ne kete vit", si dhe "per menyren si duhen bere reformat dhe per gjetjen e rrugeve per te perfituar prej tyre deri ne zgjedhjet e ardhshme parlamentare te 2009-es". Qendrimi i Shehut, ish-zevendeskryeminister ne ngjarjet e fillimrevoltat e vitit 1997 ne Lushnje, u shpreh kunder propozimit te demokristianeve per organizimin e nje tryeze me te gjitha partite kuvendare per reformat e domosdoshme ne vend. Nenkryetari demokristian Sokol Frroku, propozoi realizimin e nje tryeze me forcat politike te Kuvendit, ne te cilen te bihet dakord per nje program reformash me mirekuptim per cilendo prej ceshtjeve qe tejkalojne interesin partiak dhe qe jane ne te mire te Shqiperise. Sipas Frrokut, "tryeza mund te drejtohet nga presidenti, nga komisionet pergjegjese parlamentare apo edhe nga vete tryeza e kryetareve te partive parlamentare". Ne emer te PDK-se, Frroku u beri thirrje partive politike te bien dakord per kryerjen e te gjitha reformave qe mundesojne marrjen e fteses per anetaresim ne NATO, si reforma ne sistemin gjyqesor, reforma zgjedhore, masat ligjore antikorrupsion per realizimin e plote te reformes ne Prokurorine e Pergjithshme, si dhe zgjidhjen e ceshtjes se pronave. Frroku theksoi faktin qe, i takon shumices ne pushtet te beje propozimet konkrete dhe opozites te bashkohet me to, per te kaluar nga faza e retorikes, ne veprimet konkrete te reformave. Ai siguroi se PDK-ja eshte e vendosur te punoje aktivisht ne realizimin e ketij projekti, i cili do te sjelle me shume stabilitet politik, forcim te kultures demokratike dhe ecje te shpejte perpara, ne drejtim te realizimit te reformave, si parakushte per bashkimin e ardhshem me familjen euroatlantike. Nderkaq, kunder ideve per tryeza eshte kreu i Partise Bashkimi Liberal-Demokrat, Arian Starova. Sipas ish-ministrit te Jashtem, Kuvendi i ka ngritur komisionet perkatese, te cilet po punojne. Starova thote se po vonohet shume me ngritjen dhe fillimin e punes te komisionit per reformen ne drejtesi. Mirepo perpos kesaj, thirrja e nje tryeze politike kuvendare eshte paksa e tepruar, per me teper nen drejtimin e presidentit. prendi@korrieri.com