Shihet të dielën

Qeveria dhe shtetet anëtare të Quint’it i dhanë mbështetje organizimit të zgjedhjeve presidenciale dhe parlamentare serbe në Kosovë, këtë të diel. Por, të dyja palët nuk adresuan fare çështjen e zgjedhjeve lokale. Ministri Bajram Rexhepi u zotua përsëri se nuk do të lejohet mbajtja e tyre. Serioziteti i këtyre qëndrimeve do të merret vesh më 6 maj.

Autoritetet e Kosovës thonë se janë të vendosura që të mos lejojnë mbajtjen e zgjedhjeve lokale serbe pavarësisht se udhëheqësit ilegalë në dy komunat veriore Zubin Potok dhe Zveçan nuk kanë hequr dorë nga mbajtja e tyre.

Tashmë është bërë e ditur se OSBE do të lehtësojë organizimin e zgjedhjeve presidenciale dhe të përgjithshme të Serbisë në Kosovë më 6 maj.

Qeveria e Kosovës ka lëshuar një njoftim për media të hënën ku ka përshëndetur vendimin e OSBE’së për të lehtësuar zgjedhjet e Serbisë duke pranuar se një gjë e tillë është zgjidhje e pranueshme pasi Beogradi nuk ka një ambasadë në Kosovë.

“Gjatë kësaj dite do të hapen qendra mobile votimi, do të ketë vetëm simbole të OSBE-së, ndërsa numërimi do të bëhet jashtë territorit të shtetit të Kosovës, në mungesë aktuale të Ambasadës së Serbisë në Republikën e Kosovës, dhe anasjelltas.

Shkrimin e plotë mund ta lexoni në Express...