Shisnin droge lokaleve, kapen kusherinjte
Elbasan- Perpiqeshin te shisnin hashashin ne lokalet e qytetit te Elbasanit, por kane rene ne prangat e agjenteve, dy lushnjaret e dyshuar. Operacioni i koduar "AKSIONI 2009", i zhvilluar mbi bazen e informacioneve te marra ne rruge operative dhe metodave speciale te hetimit, ka perfunduar dje rreth ores 15:00 me sekuestrimin e 3 kg kanabis sativa dhe ka cuar ne tete, numrin e te ndaluarve per kete veper gjate nje muaji. Burime zyrtare vune ne dijeni se te arrestuarit jane kusherinjte Olti Ndreka 22-vjec dhe Erlis Ndreka 25 vjec, te dy banues ne lagjen "Gurez e Madhe" te Lushnjes. Ne lagjen "Aqif Pasha" te Elbasanit, ne lokalin "Moxarti", gjate kontrollit personal te ushtruar nga ana e sherbimeve te Antidroges, te dyshuarve iu gjeten dhe sekuestruan ne cilesine e proves materiale rreth 3 kg lende narkotike. "Per nga karakteristikat e saj ngjason me ate te lendes narkotike kanabis sativa",-tha zedhenesja e policise. Dyshohet se dy kusherinjte kerkonin treg per shitjen e droges, duke pyetur ne lokalet me te njohura te qytetit. Por pikerisht ne momentin qe po benin pazar me qesen ne dore, jane rrethuar prej agjenteve dhe me pas prangosur ne flagrance. Mendohet se narkotiku eshte kultivuar ne Lushnje, ne zona te thella dhe pas korrjes eshte tentuar shitja e tij me pakice ne qytete te tjera, duke mos rene ne sy te policise.