Shiti tezen e Juridiku, shpallet i pafajshem Ferdinand Sporea

Tirane- Ferdinand Sporea, ish-kreu i Qeverise Studentore, i akuzuar per shitjen e tezes se Juridikut, eshte shpallur dje i pafajshem nga Gjykata e Larte. Kolegji i bashkuar ne vendimin e dhene dy dite me pare, ka argumentuar se fakti per te cilen ai eshte denuar dhe akuzuar, nuk perben veper penale. Kolegji i Bashkuar ka argumentuar se, pavaresisht se Sporea i kishte shitur tezen Helidon Beges, kjo veper nuk eshte e parashikuar ne Kodin Penal. Gjykata argumenton se ai nuk i ka propozuar ndonjerit prej punonjesve te fakultetit, sekretar apo pedagog, qe nepermjet ndikimit mbi personin hartues te tezes apo stafit te punes per pergatitjen e saj, te siguroje testin dhe pergjigjet. Per kete arsye gjykata ka shpjeguar se mungesa e elementeve te "ushtrimit dhe ndikimit ndaj personave qe ushtrojne funksione publike", ka sjelle per pasoje qe Ferdinand Sporese t'i pushohet ceshtja. Ne fund te arsyetimit te vendimit te saj, Gjykata e Larte ka argumentuar se detyra e Sporese si kryetar i Qeverise Studentore ne Fakultetin e Drejtesise, apo per pasoje i qenies si anetar i Keshillit Shkencor te Fakultetit te Drejtesise, nuk kane qene detyra apo funksione publike, qe veprimet e tij te perbenin mospermbushje te rregullt te detyres, per te konsumuar elemente te vepres penale te "shperdorimit te detyres". Sporea u denua nga Gjykata e Shkalles se Pare dhe e Apelit ne Tirane me 1 vit e 6 muaj burgim, si dhe 7 milione leke gjobe per shitjen e tezes se Fakultetit Juridik.