Nishani: Konferenca gjyqesore, jo ne ngerc
Tirane- Ministri i Drejtesise, Bujar Nishani, ka reaguar dje pas deklarimeve te gjyqtareve per ngercin e krijuar si pasoje e mos miratimit te projektligjit per "Konferencen Gjyqesore". Nishani ka sqaruar se funksionimi i Konferences Gjyqesore Kombetare, nuk mund te mbetet ne ngerc, aq me teper qe edhe me pare, Konferenca eshte mbledhur me veterregullim. Sipas njoftimit per shtyp behej me dije se Ministria e Drejtesise ka perfunduar detyren e saj ne draftimin e Projektligjit per Konferencen Gjyqesore Kombetare, mbeshtetur edhe ne sugjerimet e bera nga aktore te sistemit te drejtesise si perfaqesues te Konferences Gjyqesore, Shoqatave te Gjyqtareve, Keshillit te Larte te Drejtesise, si dhe misioneve te asistences nderkombetare. "Qellimi per pergatitjen e ketij projektligji ka qene qe Konferenca Gjyqesore Kombetare, te funksionoje mbi bazen e nje ligji, pasi me pare ka funksionuar mbi bazen e veteorganizimit te saj. Fillimisht, ka pasur nje ankese mbasi ky ligj u kalua ne Parlament dhe Gjykata Kushtetuese, e pezulloi me argumentin se ligji duhet te kalonte me nje shumice te kualifikuar, 3/5 e votave ne Parlamentit, duke e konsideruar kete si nje ligj organik. Qe nga ky moment, Ministria e Drejtesise ringriti nje grup pune dhe tashme ka realizuar draftin e nje projekti te ri, ne bashkepunim me te gjithe aktoret e interesuar ne sistemin e drejtesise",-tha dje Nishani. Gjate sqarimit te tij, ai nenvizoi faktin se projektligji per Konferencen Gjyqesore Kombetare, ku jane reflektuar te gjitha rekomandimet e grupeve te interesit, mbetet per t'u trajtuar ne Parlament. "Mungesa e opozites ne Parlament, eshte nje fakt publik por, nuk eshte vetem ceshtja e ketij projektligji. Opozita mund te hyje ne Parlament dhe te mos e jape voten si ne rastin e ligjit per Gjykaten Administrative, i cili nuk ka kaluar ne seance, pasi opozita nuk ka dhene votat e saj", theksoi me tej ai. Ne fund Nishani sqaroi se funksionimi i Konferences Gjyqesore Kombetare, nuk mund te mbetet ne ngerc, aq me teper qe edhe me pare Konferenca eshte mbledhur me veterregullim. Megjithate, sipas tij kjo eshte nje ceshtje qe i takon teresisht dhe vetem kryetares se Konferences Gjyqesore Kombetare, e cila eshte edhe kryetarja e Gjykates se Larte.