Shkaku i shperthimit, nje karroce e salduar

Sipas hetimeve te kryera nga prokuroria, ka rezultuar se shkaku i shperthimit te fabrikes ne Gerdec, ka qene aksidental. Hetimet e prokurorise, te ndihmuara edhe nga puna e gjashte agjenteve amerikane, kane percaktuar se shkak i shperthimit te fabrikes se demontimit te municioneve, eshte bere nje nga karrocat qe perdoreshin per transportimin e barutit, nga brenda fabrikes ne dalje te saj. Kjo karroce e verifikuar mire nga agjentet amerikane, ka pasur shenja saldimi, ne pjesen ku ishte demtuar diten e tragjedise. Ngjarja e Gerdecit ka filluar pikerisht me thyerjen e karroces metalike, te cilen drejtuesit e fabrikes dhe pergjegjesit e puneve ne Gerdec, kane vendosur ta saldojne brenda ambientit te cmontimit, mes barutit e predhave te perhapura ngado. Eshte provuar se origjina e shperthimit ka qene 10 metra larg portes hyrese te fabrikes se cmontimit. Shkendijat e shkaktuara gjate saldimit, i kane dhene flake nje grumbulli me barut qe ndodhej fare prane. Grumbulli me barut i cili ka marre flake, ka ndezur gjithe shtresen e barutit qe ishte lene pertoke. Shperndarja e flakeve ne pak kohe, eshte bere shkak per aktivizimin e predhave qe ndodheshin gjithashtu pertoke mbi barut. Kjo sasi baruti e aktivizuar ne tre kohe, sipas pozicionit ku ndodheshin kontenieret, ka shkaktuar tri shperthimet duke krijuar nje krater 18 hektare dhe nje vater shperthimi me permasa 3.5 kilometer katror.