PS: Meta te tregoje pse deshtuan me vizat

Partia Socialiste reagoi ndaj deklarates se numrit dy te qeverise shqiptare, Ilir Meta, duke i kerkuar atij qe te mos krahasoje opoziten me krokodilin. Permes nje deklarate per shtyp, zedhenesja e selise roze, Armela Imeraj, deklaroi se Ilir Meta jo vetem qe nuk mund te krahasoje opoziten me krokodilin, po zor se e krahason dot edhe krokodilin me veten, duke bere sot sikur i qan hallin atyre qe i tradhtoi, vetem e vetem per nje "garuzhde" nga "persheshi" i Sali Gerdecit. "Prandaj Iliri i Sali Gerdecit, ben mire ta haje ate pershesh pa e ngritur koken per t'u bere moral te tjereve, sepse sa here flet peshtjellon stomakun e popullit opozitar duke na kujtuar ulerimat e tij "Sali ik", apo parullen e tij te famshme "Kush me Saliun do te haje, koken ulur gjithe jeten do mbaj"!", reagoi Imeraj. Ne nje tjeter deklarate per mediat, deputetja e partise me te madhe ne opozite, Olta Xhacka, tha se zedhenesi i Berishes dhe njeheresh ministri yne i jashtem Ilir Meta, ne retoriken e tij per integrimin, na beri me dije se Shqiperia, historikisht ka qene vendi i fundit ne renditjen e rajonit duke harruar te na shpjegoje perse ne vazhdojme te mbetemi ende te fundit. "Eshte e turpshme qe nje minister qe paguhet nga taksapaguesit shqiptare per ta derguar kete vend, perpara justifikon paaftesine e tij e premtimet e pambajtura te Sali Berishes duke theksuar se kemi qene gjithnje te fundit", komentoi Xhacka deklaraten e kreut te diplomacise shqiptare. Sipas saj, shqiptaret kane dy dekada qe jane ndare me referencat e te kaluares historike qe u kujtoi zoti Meta.