Shkarkohet prefekti i Dibres. Iken Seiti vjen Sharku
Prefekti i Qarkut te Dibres Xhafer Seiti eshte shkarkuar nga detyra. Burime zyrtare nga Prefektura e Qarkut te Dibres bejne me dije se ne diten e djeshme ka ardhur vendimi ne kete prefekture per shkarkimin e ish-prefektit Xhafer Seiti dhe caktimin ne kete detyre te zotit Genci Sharku ish-deputet i koalicionit te djathte ne vitet 2005-2009. Nuk behen te ditura shkaqet qe cuan ne shkarkimin e Seitit i cili si askush tjeter para tij ka qendruar ne krye te institucionit te prefektit te Qarkut te Dibres per plot 7 vjet. Madje ne rrethe te ngushta shoqerore ai pati deklaruar se do vazhdoje te qendroje ne krye te kesaj prefekture edhe per shume vite te tjera. Edhe pse zyrtarisht nuk behen te qarta shkaqet e largimit nga detyra per zotin Seiti fakti qe shkarkimi i tij behet me nisjen e fushates elektorale te zgjedhjeve vendore te 8 majit duket se ka lidhje pikerisht me keto zgjedhje. Dihen mirefilli nga te gjithe se ish-prefekti Seiti i ardhur ne kete detyre pas zgjedhjeve parlamentare te 2005 si perfaqesues i ish-Partise Demokratike te Rinovuar te Genc Pollos ne vazhdimesi ka pasur konflikte te forta me drejtuesit e deges se PD-se ne Diber pasi sipas tyre ai shfaqte haptazi prirje te majta. Keto konflikte nisen qe ne momentin kur Seiti nuk pranoi kurrsesi te rinovoje administraten e majte te trasheguar te kesaj prefekture dhe u agravuan deri ne ate shkalle sa defakto bashkepunimi i institucionit te Prefektit me institucionet e tjera vendore te qarkut te mungoje totalisht. Nder konfliktet me te forta qe ka pasur ish-prefekti Xhafer Seiti ne Diber mund te permendim ate me kryetarin e Qarkut te Dibres dhe njeheresh kryetar i Deges se PD-se Diber zotin Naim Gazidede zgjedhja e te cilit ne krye te ketij qarku edhe pse u be me shumice te cilesuar votash te anetareve te keshillit te qarkut u kontestua pa sukses nga ish-prefekti Seiti. Gjithsesi ish-prefekti Xhafer Seiti do te mbahet mend nga dibranet si personi me kohezgjatjen me te madhe ne kete detyre si dhe per rolin e tij tejet honorifik ne krye te Prefektures se Qarkut te Dibres.