Shkendija shkrumbon 3 shtepi te ish-magazinat
Vlore- Shkendija elektrike shkrumbon ish-magazinat ku banonin tre familje. Nderhyrja ne kohe shmang tragjedine, pasi ne shtepi gjendeshin edhe femije. Ngjarja ka ndodhur mengjesin e djeshem ne lagjen "28 Nentori" te Vlores, ne zonen e ish-Agjencise se Vjeter. Fillimisht flaket kane perfshire nje prej banesave dhe me pas eshte perhapur ne godinat ngjitur, ku jetonin dhe dy familje te tjera. Burime te policise thane se gjysma e ambienteve sherbente per parkim makinash, nderkohe qe vete banoret dhe reparti i zjarrfikeses, jane perpjekur te lokalizojne flaket dhe te evakuojne femijet. Mesohet se orendite shtepiake dhe banesat jane demtuar teresisht, por nuk ka te lenduar mes njerezve. Ne keto ambiente jetonin rreth 15 persona, nderkohe qe dikur kishin sherbyer si magazina. Burime te policise thane se nisen hetimet per shkaqet e renies se zjarrit dhe mendohet se shkarkesa elektrike, ka sjelle edhe shkrumbimin e tre banesave.