Shkodër, aksident automobilistik, 3 të plagosur

Një aksident automobilistik ka shkaktuar plagosjen e tre personave në qytetin e Shkodrës. Ngjarja ka ndodhur rreth orës 18.45 minuta , ndërsa një mjet kamionçinë është përplasur me një karrocë, në afërsi të Kishës së Zojës në lagjen Bahçallëk.

Aksidenti ka ndodhur gjatë parakalimit, pasi karroca nuk është parë nga drejtuesi i kamionçinës.

Të dëmtuarit janë dërguar në spitalin e Shkodrës, ku mësohet se janë jashtë rrezikut për jetën.