Shkodër, humb jetën në aksident shqiptari nga Mali i Zi

 Burime zyrtare të policisë thanë se shtetasi Aldin Kabil Kurti 21-vjeç, lindur e banues në Ulqin, në Malin e Zi, duke drejtuar mjetin tip Volzvagen Golf, si rezultat i shpejtësisë, ka humbur kontrollin mbi mjetin, duke dalë nga karrexhata e duke rënë poshtë rrugës.

Si pasojë e kësaj manovre është dëmtuar rëndë vetë drejtuesi i mjetit, shtetasi Kurti, i cili është dërguar me urgjence në Spitalin Rajonal Shkodër, në gjendje kritike për jetën, ku me gjithë ndihmën mjekësore të dhënë, ka gjetur vdekjen në urgjencën e këtij spitali.

U kryen veprimet e duhura procedurale dhe materialet i kaluan për veprime të mëtejshme Prokurorisë së Rrethit Gjyqësor Shkodër. /Start/

                                                                                             2012-09-11 10:39